Seminario online «Derecho público, justicia social y migraciones climáticas»

Baixo a dirección do Catedrático en Dereito Dr. Jaime Rodríguez-Arana Muñoz e a coordinación do investigador D. Ignacio Varela Ramos, estase a celebrar ao longo do presente ano un seminario online gratuito titulado “Dereito público, xustiza social e migracións climáticas”: as migracións derivadas da crise climática son xa a principal causa dos desprazamentos no mundo; a vulnerabilidade dos afectados resulta insostible. É o momento de que normas e xustiza social lideren a defensa dos dereitos humanos.

Esta segunda sesión, titulada “Migracións climáticas: contexto e consecuencias”, é ao cargo do propio D. Ignacio Varela Ramos, investigador predoctoral do ‘Centro de Investigación Interuniversitario das Paisaxes Atlánticas Culturais’ (CISPAC). O evento terá lugar o vindeiro xoves 5 de xuño ás 19:00 horas (hora española), e versará sobre a realidade de que un dos feitos directamente relacionados co cambio climático é o movemento de poboación que leva aparellado: a migración climática é un fenómeno de carácter global irremediable e sen precedentes.

Para máis información e asistencia (vía Teams), contacten coa secretaría académica na seguinte dirección electrónica: alberta.lorenzo.aspres@udc.es.