Representación da UDC en Seminario Ambiental en Chile

O pasado 14 de novembro tivo lugar o Primer Seminario Bilateral sobre desenvolvemento e medio ambiente, celebrado na Facultade de Dereito da Universidade de Chile (Santiago de Chile, Chile). Ao antedito evento tiveron a honra de asistir os profesores Jaime Rodríguez-Arana Muñoz, Victoria De Dios Viéitez e Jennifer Sánchez González. Por parte da Universidade de Chile interviron o profesor Ramón Huidobro Salas (Director do Departamento de Dereito Público da devandita Universidade) e o profesor (LLM) Pablo Méndez Ortiz.

Nesta sesión tratáronse temas de gran relevancia como a relación entre a contratación e o medio ambiente; as distintas vertentes do desenvolvemento sostible; o acceso á información, participación pública e o acceso á xustiza en materia de medio ambiente; a potestade normativa municipal ambiental; ou o desenvolvemento sostible, a regulación de regos e a permisoloxía en Chile.

O venres 15, no mesmo marco, levouse a cabo o Seminario e Conversatorio de Profesores, ao que acudiron distinguidos profesores e profesoras da Universidade de Chile, ademais dos tres representantes da nosa Universidade.