Artigo da Dra. Fernández Carballal en RDUma

No último número da Revista de Derecho Urbanístico y Medio Ambiente (RDUma) aparece o traballo El esquema constitucional de la propiedad del suelo en el derecho español y sus componentes urbanísticos. La salud urbana como paradigma constitucional y del derecho comunitario, asinado pola profesora Dra. Almudena Fernández Carballal.

O artigo analiza o papel do interese xeral como parámetro estrutural da actividade urbanística e a súa interacción co núcleo esencial dos dereitos fundamentais. Partindo do mandato constitucional de servizo obxectivo aos intereses xerais (art. 103.1 CE), sostense que o urbanismo constitúe unha función pública orientada á satisfacción de necesidades colectivas e á efectividade dos dereitos constitucionais, en coherencia co art. 9.2 CE. Examínase a configuración estatutaria da propiedade urbanística, cuxo contido defínese pola función social (art. 33.2 CE) e polos deberes impostos pola lexislación e o planeamento. O estudo incorpora o marco do TRLS 7/2015, que consolida principios como o desenvolvemento territorial e urbano sostible e reforza a integración entre urbanismo e medio ambiente. Finalmente, identifícanse as tres variables que estruturan o rexime urbanístico do solo —situación, clasificación e cualificación— e a súa distribución competencial, destacando a súa relevancia para a racionalización do uso do territorio.

Pode adquirirse o exemplar completo ou os artigos soltos aquí.